Националната агенција за европски образовни програми и мобилност (НАЕОПМ) е јавна институција формирана со закон и има надлежност за оперативно спроведување на децентрализираните акции од Еразмус+ програмата во Република Македонија.
Еразмус+ 2014-2020 е европска програма за поддршка на образованието, обуките, младите и спортот во Европа. Со буџет од 14,7 милијарди евра дава можности за над 4 милиони жители на Европа да студираат, да се обучуваат, да стекнуваат искуства и да волонтираат во странство. Еразмус+ се темели исклучиво на претпоставката дека вложувањето во образованието и во обуката се клучни за развивање на потенцијалите независно од возраста или искуството. Еразмус+ има за цел подигнување на квалитетот и важноста на квалификациите и вештините и им нуди можности на широк спектар на организации и поединци.
На 10 јули 2018 година, на барање на директорката на ООУ „Гоце Делчев“, во Свети Николе, г-ѓа Билјана Мишева, претставнички на Националната агенција за европски образовни програми и мобилност, Мартина Најдоска и Драгица Ивановска, од Одделението за мобилност од областа на стручно и училишно образование Мила Протуѓер Анастасова од Одделението за еТвининг, одржаа обука за клучната акција 1- КА101 мобилност на наставен кадар во училишно образование и за платформата еТвининг.
На присутните на обуката им беа објаснети правилата за програмата Еразмус+ од Водичот во делот за клучна акција КА101 Мобилност на наставен кадар во училишно образование, потоа како да се регистрираат во порталот за корисници и како да бараат провајдери.
На 28 и 29 јуни 2018 година, во Атина, се одржа Обука за примарни проверки како дел од неформалните средби на националните агенции, организирана од Националните агенции на Грција и на Велика Британија, на која присуствуваа Лулеса Илјази и Милена Петрушевска од Националната агенција за европски образовни програми и мобилност.
Марија Стефковска и Мартина Најдоска, од Одделението за мобилност од областа на стручно и училишно образование при Националната агенција за европски образовни програми и мобилност, на 9 јули одржаа воведен состанок со новите корисници на КА102 - Мобилност на ученици и вработени/кадар во областа на стручно образование и обука.
На 3 јули, претставничките на Агенцијата за европски програми и мобилност Анабела Наскоски Петрески од Одделението за ИКТ и европски образовни мрежи, Мила Протугер Анастасова од Одделението за еТвининг и м-р Деспина Србиновска Шандуловска од Одделението за стратешки партнерства од областа на стручно и училишно образование, одржаа презентации за Еразмус + програмата и за европските образовни мрежи Европас, Еврогајденс и еТвининг во ПОУ „Д-р Златан Сремец“ - Скопје.
Тема: Innovate your teaching through methods like gamification, e-learning, Design Thinking, Project Based Learning, use of new technologies in higher education.
Целта на тренингот:
Во областа на високото образование има голема потреба за размена на добри практики и искуства во креирање и имплементирање на иновативни наставни методи како што се креативно мислење, учење преку пракса, учење преку игра, употреба на современа информатичка технологија итн. Овој настан нуди можности за учење од меѓусебна соработка како и можност за поврзување на различни проекти финансирани од Еразмус+ и дисеминација на резултатите.
Вкупно 3.500 граѓани годинава ќе заминат на доквалификација надвор од државава преку европската програма „Еразмус плус“. Вклучени ќе бидат во проекти што ќе се реализираат преку таканаречената „Клучна акција 1 - Мобилност за учење на лица“ и „Клучна акција 2 - Стратегиски партнерства за развој на иновации и размена на добри практики“. Националната агенција за европски образовни програми и мобилност прифати 93 проекти, односно 22,7 отсто од пристигнатите 409 апликации на повикот што беше објавен кон крајот на октомври минатата година. Најголем дел од поднесените апликации, дури 289, биле за мобилност, потоа за стратегиски партнерства, па за структурен дијалог каде што конкурирале за 18 проекти, а одобрени се три. За 2018 година предвидени се 2.701.250 евра за проекти на високообразовни институции и мобилности на студенти и наставен кадар. Агенцијата 77 отсто од средствата ќе ги намени за мобилност на студенти меѓу програмските држави, а 23 отсто за доквалификација на наставници.
Директорката на Националната агенција за европски образовни програми и мобилност, г-ѓа Лидија Димова, на 28 и 29 јуни, учествуваше на „Координативен состанок за повеќе-корисничка годишна програма“, во организација на Секретаријатот за европски прашања.
На 26 јуни, во хотел Мериот Скопје, беше одржан работен состанок на Мрежата на организациони единици за управување со човечки ресурси, на кој присуствуваа раководителот за управување со човечки ресурси во Националната агенција за европски образовни програми и мобилност и номиниран член на мрежата.
Националната агенција за европски образовни програми и мобилност со свои претставници од 11 до 14 јуни 2018 Во Будимпешта, учествуваше на годишниот состанок за Транснационани активности за соработка во полето на млади. Претставниците на националната агенција, Јовица Митевски и Дејан Миланов, со својата контрибуција и размена на искуствотото придонесоа кон подобрување на процесот на селекција и видливост на активностите.
Сите новитети ќе најдат примена во подобрување на квалитетот на ТАС активностите во Македонија, каде најголем бенефит ќе имаат учесниците од Македонија.
Денеска во ООУ „Христијан Карпош“ - Куманово се одржаа презентации за европските образовни мрежи Европас, Еврогајденс и еТвининг.
На презентациите покрај наставниците и стручната служба од ООУ „Христијан Карпош“ - Куманово присуствуваа и наставници и стручна служба и од други училишта како што се ООУ „Крсте Мисирков“ - Куманово, ООУ „Христијан Карпош“ - с. Младо Нагоричане.
Вторник, 10 јули 2018 година
Петок, 29 јуни 2018 година