tl_files/docs/eplus/images/2018/logo_erasmus_plus001_0.png   https://ec.europa.eu/programmes/erasmus-plus/anniversary_en
     
tl_files/docs/eplus/images/2018/500x69_Banner_E+PRP.png

Моментално нема новости.

ОДРЖАНИ ПРЕЗЕНТАЦИИ ЗА ЕВРОПСКИТЕ ОБРАЗОВНИ МРЕЖИ

Вторник, 16 октомври 2018 година

Претставничките од Националната агенција за европски образовни програми и мобилност, г-ѓа Анабела Насковска-Петрески и г-ѓа Мила Протугер Анатасовска, од Секторот за координација и реализација на европски образовни мрежи, на 15 октомври, одржаа презентации за европските образовни мрежи еТвининг, Европас и Еврогајденс  како и вовед во Еразмус + Програмата во салата на Општина Чаир.

На презентацијата присуствуваа директори на основните училишта и градинки на ниво на Општина Чаир, наставници и стручна служба од основите училишта во Општина Чаир, воспитувачки и негувателки од градинките во Општина Чаир, како и вработени од Општина Чаир.

Присутните учесници беа од следниве институции: Општина Чаир, ООУ „Хасан Приштина“, ООУ „Лириа“, ООУ „7-ми Март“, ООУ „Јашар Беј Шкупи“, ОУВ „А.С.Макаренко“, ООУ „Васил Главинов“, ООУ „Конгреси и Манастир“, ООУ „Никола Вапцаров“, ОУ „Рајко Жинзифов“, ЈОУГД „Фидани“.

Повеќе...

ОДРЖАНА РАБОТИЛНИЦА НА ТЕМА: „ЕВРОПСКИ КРЕДИТ ТРАНСФЕР СИСТЕМ ВО СТРУЧНОТО ОБРАЗОВАНИЕ И ОБУКА И ПИШУВАЊЕ НА РЕЗУЛТАТИ ОД УЧЕЊЕ“

tl_files/docs/eplus/2018/Images/oct2018/ekvet/IMG_7919.JPGСреда, 17 октомври 2018 година

На 16 октомври, во City hall, се одржа Работилница на тема: „Европски кредит трансфер систем во стручното образование и обука и  пишување на резултати од учење“.

ЕКВЕТ е европски инструмент којшто им овозможува на учениците да ги акумулираат, пренесат и користат постигнатите резултати од учење стекнати од формално, неформално или информално образование. Системот се заснова на единици на резултати од учењето кои како дел од квалификациите можат да се оценат и пренесат. Ваквиот систем овозможува мобилност, транспарентност и преносливост на квалификациите стекнати низ различни форми на учење и во различен контекст. 

На настанот учествуваа претставници од повеќе средни училишта од Македонија, кои се запознаа со принципите на ЕКВЕТ системот и преку учество во работилницата за пишување на резултати од учење и критериуми за оценување од повеќе струки, дадоа свој придонес во идната имплементација на овој систем во Македонија.

Повеќе...

РАБОТЕН СОСТАНОК ЗА ЕТВИНИНГ ВО БИРО ЗА РАЗВОЈ НА ОБРАЗОВАНИЕТО

tl_files/docs/eplus/2018/Images/oct2018/bro/44088768_2235043323441959_2484811199766593536_n.jpgСреда, 17 октомври 2018 година

Националната агенција за европски образовни програми и мобилност во соработка со Бирото за развој на образованието, на 16 октомври одржа работен состанок за еТвининг патформата во просториите на Бирото за развој на образованието.

На работниот состанок покрај еТвининг координаторката г-ѓа Мила Протугер Анастасова, беа присутни и г-ѓа Гордана Јанакиевска ИКТ советничка при бирото за образование и воедно наша еТвининг соработничка, г-ѓа Олгица Бајалџиева-еТвининг амбасадорка, директорот на БРО, г. Зеќирија Хасипи, заменик-директорот г. Ванчо Петрушевски, како и советници на Бирото за развој на образование  од Охрид, Тетово, Прилеп, Куманово, Штип, Кавадарци, Битола, Гостивар, Кочани и Струга.

На присутните, на работниот состанок, им беше презентирана еТвининг платформата од страна на еТвининг координаторката, г-ѓа  Мила Протугер Анастасова, при што беше практично објаснета еТвининг придобивката за наставниците преку примери од страна на нашата еТвининг амбасадорка, г-ѓа  Олгица Бајалџиева (наставничка по билологија).

Повеќе...

УЧЕСТВО НА НАЦИОНАЛНИ АГЕНЦИИ НА РАБОТЕН СОСТАНОК ОД ОБЛАСТА НА УЧИЛИШНО ОБРАЗОВАНИЕ ВО ХАМБУРГ

tl_files/docs/eplus/2018/Images/oct2018/hamburg/44088727_187321015494477_501936657331650560_n.jpgСреда, 17 октомври 2018 година

Претставничките на Националната агенција за европски образовни програми и мобилност, г-ѓа Деспина Србиновска Шандуловска, г-ѓа Мартина Најдоски и г-ѓа Маја Колекеска, во периодот од 7 до 10 октомври, учествуваа на  информален работен состанок во Хамбург, Германија, кој беше од областа на Училишно образование.

На состанокот учествуваа околу шеесетина претставници од повеќе Национални агенции, кои во неколку работни групи дадоа препораки и насоки за подобрување на постоечката и идната регулатива на програмата Еразмус+, во делот на Училишно образование, која се очекува да стартува во периодот од 2021 и да се реализира до 2027 година.

Во рамките на овие работни групи, активно беа вклучени и трите претставнички од Националната агенција за европски образовни програми и мобилност.

Настанот беше отворен со презентација на г-ѓа Роса М. Родригез-Изкуердо, професор во одделот за образование на Универзитетот Пабло де Олавиде -Севиља, Шпанија.

Повеќе...

УЧЕСТВО НА ЕКВЕТ СОСТАНОК ВО СОЛУН

tl_files/docs/eplus/2018/Images/oct2018/solun/43620113_1947131291997182_4536147069928210432_o.jpgЧетврток, 18 октомври 2018 година

На 11 и 12 октомври 2018 година, во ЦЕДЕФОП Солун, Грција, се одржа состанок за ЕКВЕТ.

На состанокот од Македонија учествуваа националната координаторка за ЕКВЕТ, г-ѓа Лулеса Илјази од Националната агенција за европски образовни програми и мобилност и надоврешната експертка за ЕКВЕТ, г-ѓа Славица Димовска.

Oстанатите учесници на семинарот од Европа беа националните координатори на ЕКВЕТ тимовите, експертите за ЕКВЕТ и корисници на ЕКВЕТ.

Целта на состанокот на ЕКВЕТ мрежата 2018 беше иднината на ЕКВЕТ во однос на новите политички рамки и во контекст на идното стручно образование и обука.

Резултатите од следните студии беа достапни и презентирани на состанокот со цел да се расправа за идната улога на ЕКВЕТ: „Професионална мобилност во Европа надвор од Еразмус+" (DG EMPL), „Инструменти кои ја поддржуваат политиката на ЕУ за стручно образование и обука" (DG EMPL) и „Иднината на стручното образование и обука" (CEDEFOP).

Повеќе...

ПРЕТСТАВНИЦИ ОД НАЦИОНАЛНАТА АГЕНЦИЈА ЗА ЕВРОПСКИ ОБРАЗОВНИ ПРОГРАМИ И МОБИЛНОСТИ НА САЕМ ЗА ОБРАЗОВАНИЕ ВО КИЕВ

tl_files/docs/eplus/2018/Images/oct2018/kyev/20181016_170948.jpgЧетврток, 18 октомври 2018 година

Претставниците од Националната агенција, г. Александар Богојевски и г. Астрит Реџепи, на 16 октомври присуствуваа на саем за образование во Киев, Украина.

Саемот на образование беше организиран од страна на Европската комисија согласно проектот Study in Europe.

Вработените од Националната агенција, своето присуство на саемот го искористија да ги претстават можностите за студирање во Република Македонија, а воедно, пред заинтересираните студенти од Украина, одржаа презентација за програмата Еразмус+.

Повеќе...

УЧЕСТВО НА ПРЕТСТАВНИК НА НАЦИОНАЛНАТА АГЕНЦИЈА НА КОНТАКТ СЕМИНАР ВО ИСТАНБУЛ

tl_files/docs/eplus/2018/Images/oct2018/istanbul/20181008_181110.jpgПретставникот на Националната агенција, г. Александар Богојевски, заедно со професори/Еразмус координатори од високообразовните институции од Македонија, учествуваа, на покана на Европската комисија, на дводневен контакт семинар за Меѓународна кредитна мобилност во високо образование..

Семинарот се одржа од 8 до 10 октомври во Истанбул, Турција.

Дводневниот настан беше во насока на продлабочување на соработката помеѓу високообразовните институции во Европа и Централна Азија, како и поддршка за аплицирање за централизираните акции од програмата Еразмус+ (EMJMD, Градење на капацитети и Жан Моне).

Повеќе...

НАЦИОНАЛНАТА АГЕНЦИЈА ГО ОДБЕЛЕЖА „ЕРАЗМУС ДЕН“ СО КРОС ТРКА

tl_files/docs/eplus/2018/Images/oct2018/cross/IMG_7646.JPGПеток, 12 октомври 2018 година

Националната агенција за европски образовни програми и мобилност, по повод 31-годишнина од постоење на програмата Еразмус, за првпат се вклучи во одбележувањето на „Еразмус ден“ и по тој повод организира крос-трка, што се одржа денеска на кејот на реката Вардар.

На денешен ден сите Национални агенции на држави-членки на ЕУ плус Македонија, Лихтенштајн, Швајцарија и Норвешка, организираа ваков крос и на тој начин ја одбележаа годишнината на „Еразмус ден“.  

На трката зедоа учество околу 200 ученици од основно и средно образование.

Повеќе...

ТАС настан: Кон колаборативна пракса 2018 - Форум за еколошката димензија на социјалното претприемништво

Семинар

27 ноември - 1 декември 2018 година Будимпешта, Унгарија

'Кон колаборативна пракса' Форумот е крос-секторски настан кој го истражува потенцијалот на младинската работа, како и Еразмус плус со цел да го поттикне социјалното претприемништво меѓу младите луѓе.

Заедницата 'Колаборативна пракса' (ККП) ја зголемува и инспирира областа на социјалното претприемништво и иновации откако првата конференција произлезе од Малме, Шведска во 2015 година. Второто издание на ККП-форумот, фокусирајќи се на социјалните иновации и претприемништвото, се одржа во прекрасниот град Лече, Италија во 2016 година. Третото поглавје следеше во Ливерпул Обединетото Кралство, на почетокот на 2018 година, кое се обиде да порасне и да соработува понатаму преку размена на идеи во секторите за млади и стручно образование. Сега ви е ред да се приклучите на заедницата на четвртиот ККП Форум кој ќе се одржи во Будимпешта, Унгарија. Фокусот на ова издание ќе биде свеста за животната средина во социјалното претприемништво. Целиот настан е под влијание на нејзината тема, еколошката свест - вклучувајќи избор на сајтови, компилација на менија, паузи за кафе и материјали што ги користиме. Ние веруваме дека е важно да покажеме дека секогаш постои можност да изберете еколошка опција.

Повеќе...

ОДРЖАНИ ПРЕЗЕНТАЦИИ НА ЕВРОПСКИТЕ ОБРАЗОВНИ МРЕЖИ ЕВРОПАС И ЕВРОГАЈДЕНС

tl_files/docs/eplus/2018/Images/oct2018/ef/IMG_7524.JPGСреда, 10 октомври 2018 година

Претставниците од Националната агенција за европски образовни програми и мобилност, г-ѓа Анабела Насковска-Петрески и г. Алексндар Голев, од Секторот за координација и реализација на европски образовни мрежи, на 9 октомври, одржаа презентации за европските образовни мрежи Европас и Еврогајденс на Универзитетот „Св. Кирил и Методиј“ - Економски факултет - Скопје.

На присутните студенти од Универзитетот „Св. Кирил и Методиј“ - Економски факултет –Скопје, им беа објаснети Европас документите, Еврогајденс целите и активностите, потоа какви сè можности нуди Еразмус+ програмата и Националната агенција за европски образовни програми и мобилност за самите студенти.

Повеќе...