Мобилност- PLM - (Луѓе на пазарот на трудот)

Луѓе на пазарот на трудот - PLM

Главни цели на оваа акција

      Целта на акцијата е да ја поддржи мобилноста на транснационалните работници, самовработени или луѓе достапни за вработување (вклучувајќи ги и дипломците) кои одат на обука во странство во контекст на струча обука.

Општите цели на оваа акција за мобилнсот во рамките на Леонардо да Винчи секторската програма се:

 

·   Да се поддржат учесниците во обуката и понатамошните активности за обука, во однос на стекнувањето и примената на знаењето, вештините и квалификациите, за да им се овозможи личен развој, способности за вработување и учество на европскиот пазар на труд.

·   Да се зголеми атрактивноста на стручното образование и обука за поединците и да им се овозможи мобилност на практикантите за работа.

 

Ангажманот  за обука се состои од период на стручна обука и/или работно искуство на поединец учесник во партнер организација во друга земја учесничка. Доколку обуката се одвива во институција за обука, треба јасно да се дефинира поврзаноста со практичното искуство и потребите за обука на учесникот.

Индивидуални учесници ќе добијат грант во рамките на проектот за мобилност, кој е организиран од институцијата што координира. Поединци не можат директно да аплицираат за грант до националните агенции. Во рамките на проектот, соработка постои помеѓу институцијата која испраќа и организациите домаќини, како што се институции за обука, училишта за стручно образование и обука или претпријатија.

Нивната улога и учеството во различни чекори за имплементација на активностите на мобилноста мораат да бидат јасно определени, посебно во случај на учество на организација посредник. Квалитетот може да биде проценет врз основа на минати изведби и задоволството на корисникот и учесниците во претходните проекти.

Апликациите се поднесуваат до Националната Агенција на земјата од која се учествува( земјата на организацијата на апликанот) и може да покрие само излезни мобилности на пример индивидуални учесници кои живеат или работат во земјата од каде што се аплицира да се преселат во друга земја учесник. 

Корисникот на грантот, генерално институцијата координатор, мора да осигура дека партнерите на оваа соработка, вклучително и посредниците, ќе ги почитуваат принципите содржани во Quality Commitment ((http://ec.europa.eu/education/leonardo-da-vinci/doc1027_en.htm)

 Корисникот на грантот генерално институцијата координатор, мора да се осигура дека квалитативните критериуми се исполнети како:

·    Јасен опис на целите, потребите, содржината и времетраењето на периодот за обука во странство;

·   Јасна поврзаност помеѓу потребите за обука на индивидуален корисник, кои се одразени во однос на професионалното искуство и содржината на обуката (ангажманот)

·   Обезбедена е индивидуална, јазична и културолошка подготовка за корисниците;

·   Обезбеден е педагошки мониторинг на поединците учесници (подучување и менторство во соработка помеѓу организацијата што испраќа и организациите домаќини)

·   Потврда за способностите стекнати од страна на поединците учесници и евалуација на општиот резултат во конкретното поле за обука (употреба на Europass на барање)

·   Логистичка поддршка за поединец учесник (патување, сместување, домаќин организација)

 Кој може да ја користи програмата?

Лица на пазарот на труд: работници, самовработени или лица кои се погодни за вработување (вклучително дипломци) кои поминуваат период на обука во странство во контекст на стручно образование.

Кој може да аплицира?

·   Институции или организации кои обезбедуваат можности за учење во областите опфатени со Леонардо да Винчи програмата;

·   Асоцијации и нивни претставници кои се вклучени во стручното образование и обука, вклучително и асоцијации на практиканти, родители и наставници;

·   Претпријатија, социјални партнери, и други претставници од работната сфера, вклучително и стопански комори и други трговски организации;

·   Тела кои обезбедуваат водство, советување и информативни услуги кои се поврзани со аспекти од доживотното учење;

·   Тела одговорни за системи и политики кои се однесуваат на аспекти од доживотното учење во стручното образование на национално, регионално и локално ниво;

·   Истражувачки центри и тела кои се занимаваат со прашања поврзани со доживотното учење;

·   Високообразовни институции; Непрофитни организации, волонтерски тела, НВО

Времетраење:

Минимум 2 недели

Максимум 26 недели

____________________________________________________________________________________

 

ВАЖНИ ДОКУМЕНТИ

Апликација - Mобилност (IVT, PLM, VET PRO) 2010

Прирачник за мобилност

Повеќе поставувани прашања за мобилност

МОБИЛНОСТ - PLM (Луѓе на пазарот на трудот)  ENG