Партнерства

Партнерства 

Главни цели на програмата

       Леонардо да Винчи партнерство е рамка на активности за соработка од помал размер помеѓу организациите кои работат во областа на стручното образование и обука, а кои ќе соработуваат на теми од взаемен интерес за организациите учеснички. Проектите може да се фокусираат повеќе на активно учество на учесниците во обуката, а други ќе се фокусираат повеќе на соработката помеѓу наставниците, обучувачите или професионалците за стручно образование или обука. Соработката не мора да вклучува само училишта или институции за стручно образование или обука, туку и претпријатија, социјални партнери и други вклучени страни во стручното образование и обука. Тие може да соработуваат на национално, регионално или локално ниво, но исто така на секторско ниво, како на пример во рамките на области од стручното образование и обука или економски сектори.

Партнерството треба да вклучува партнери од најмалку 3 земји учеснички. Еден од партнерите мора да дејствува како координатор. Се советува во фазата на аплицирање, да се наведе  кој од партнерите доброволно ќе дејствува како замена на координаторот, доколку првичниот координатор е одбиен во текот на постапката за избор.

       Проектите за партнерства ќе го пополнат јазот помеѓу постоечките Леонардо да Винчи акции, т.е. проекти само за мобилност и поголем трансфер на проекти за иновативност, бидејќи овозможуваат соработка во областа на стручното образование и обука која ги надминува границите на активноста за мобилност, без притоа да се бара соработка од голем размер, вклучувајќи големи буџети како во трансферот на иновативност. Партнерствата исто така може да се користат за да се продолжи со соработката околу постигнатите резултати во претходниот проект или да бидат прв чекор кон мобилност или проект за трансфер на иновативност.

Партнерствата се одличен начин да се овозможат активности за учење меѓу лицата со ист статус за употреба на заеднички алатки како што е опишано во Комуникацијата од Хелсинки, како што се транспарентност, Европската рамка за квалификации (EQF), Европски кредит трансфер систем во стручното образование и обука (ECVET), гаранција на квалитет, извонредност на вештини, способности за клучните сектори.

 

Леонардо да Винчи партнерствата ги следат целите на Леонардо да Винчи програмата како што е наведено во член 15.1. од Одлуката за Програмата, што ги одразува општите политички цели за стручно образование и обука на европско ниво. Тука се вклучени и целите поврзани со процесот од Копенхаген и декларацијата од Хелсинки. Главните приоритети за стручно образование и обука, како што се ревидирани во Комуникацијата од Хелсинки во декември 2006, ја поставуваат рамката за Леонардо да Винчипартнерства:

1. Подобрување на атрактивноста и квалитетот на стручното образование и обука

2. Развивање и имплементација на заедничките алатки за стручно образование и обука

3. Зајакнување на взаемното учење

4. Ангажирање на сите вклучени страни.

       Или поконкретно, Леонардо да Винчи партнерствата ќе се разликуваат од акциите за партнерствата во Comenius и Grundtvig програмите врз основа на содржината на активностите, кои треба да бидат јасно поврзани со стручното образование и обука. Втората особеност на Леонардо да Винчи партнерството ќе биде тежнеењето кон учество на сите чинители покрај училиштата за стручно образование и обука, како што се претпријатијата, социјалните партнери, носители на одлуки на локално, регионално, па дури и на национално ниво.

       Следниве примери за теми, кои може да бидат опфатени со Леонардо да Винчи партнерството, се базираат на Комуникацијата од Хелсинки, со која се одразуваат моменталните приоритетни теми во заедничката политика за стручно образование и политика:

·   • Развивање на водство и совети за стручно образование и обука;

·   Отворање на стручното образование и водство кон флексибилните патишта и создавање на подобри услови за премин кон работниот живот;

·   Зајакнување или создавање на поблиски врски помеѓу стручното образование и обука со работниот живот;

·   Промовирање на признавањето на неформалното учење;

·   Одговарање на потребите на пазарот на трудот, особено на малите и средни претпријатија, предвидување на вештините кои се потребни на пазарот на труд;

·   Подобрување на квалификациите на наставниците и обучувачите;

·   Поддршка за имплементација на гаранција на квалитет во стручното образование и обука;

·   Соработка во областа на транспарентност на системите за стручно образование и обука (т.е. ECVET,EQF, Europass..);

·   Поддршка за развој на национална рамка за квалификации во однос на Европската рамка на квалификации EQF;

·   Соработка за да се тестираат и применат заеднички концепти, кои се развиени на европско ниво, со цел да се постигне проширување на ниво на чинителите „на теренот„.

Леонардо да Винчи партнерствата ќе дадат исход или резултат, кој ќе овозможи подоцнежна ширење и понатамошна примена на резултатите од соработката. Тоа може да биде описно или конкретно, може да бидат во форма на заеднички извештај, конференција, CD, конкретен продукт како што е развиен за/ во име на / со вклученост на практиканти, концепт за обука во конкретна област за стручно образование и обука,... итн. 

 

Кој Може да ја користи?

·   Институции или организации кои обезбедуваат можности за учење во областите опфатени со Леонардо да Винчи секторската програма;

·   Асоцијации и нивни претставници кои се вклучени во стручното образование и обука, вклучително и асоцијации на практиканти, родители и наставници;

·   Претпријатија, социјални партнери, и други претставници од работната сфера, вклучително и стопански комори и други трговски организации;

·   Тела кои обезбедуваат водство, советување и информативни услуги, кои се поврзани со аспекти од доживотното учење;

·   Тела одговорни за системи и политики кои се однесуваат на аспекти од доживотното учење во стручното образование на национално, регионално и локално ниво;

·   Истражувачки центри и тела кои се занимаваат со прашања поврзани со доживотното учење;

·   Високообразовни институции;

·   Непрофитни организации, волонтерски тела, НВО

 

Кој може да аплицира?

Секоја институција/организација вклучена во партнерството.

Времетраење:

2 години

______________________________________________________________________________________

 

ВАЖНИ ДОКУМЕНТИ

Апликација - Партнерства 2010

Прирачник за партнерства

Повеќе поставувани прашања за партнерства

ПАРТНЕРСТВА